TEMBUNG ENTAR lan TEMBUNG SAROJA

D.    Tembung Entar lan Tembung Saroja

Tembung Entar diarani uga tembung silihan. Tembung Entar yaiku tembung kang nduweni teges ora salugune amarga disilih/digawe kanggo ngandhakake bab kang seje.

Tuladhane tembung entar iku ing antarane kaya ing ngisor iki :

Jembar segarane                 = sugih pangapura, sabar

Panas atine                        = nesu, muring

Atine kari samenir = kuwatir banget

Sumpeg atine                    = susah

Padhang pikire                  = seneng

Pedhes tembunge               = gawe serik, gawe lara

Cilik atine                          = jirih

Tembung Saroja yaiku tembung loro kang padha utawa meh padha artine dianggo bebarengan. Gunane tembung saroja iki kanggo mbangetake lan nembah kaendahan.

Tuladhane tembung saroja yaiku :

mati lampus                                               guyub rukun

dhawuh pangandikan                               babras bundhas

anteng jatmika                                           blaka suta

was sumelang                                            sari pathi

solah tingkah                                             ayu sulistya

Garapan :

1. Goleka tuladhane Tembung entar saka ing wacan dongeng utawa sumber liyane, lan terangna tegese !
2. Goleka tuladhane tembung saroja saka ing wacan dongeng utawa sumber liyane sing kokweruhi !

3.   Gawea ukara nganggo tembung entar !

4.   Gawea ukara nganggo tembung saroja !